الثلاثاء، 1 نوفمبر 2011

ابن الشهيد يتسأل ..ويسأل ....والشهيد يرد ..

اهدى الجميع أخر ما كتبته

ابن الشهيد ...يتسأل ويسأل ...والشهيد يرد .
لما نقوم الصبح..ونروح المدارس ...
بابا انت فين
لما بندخل مدارسنا ..ونلاقى الكل ...
بابا انت فين
لما بنفتح كراسنا ..ونصبح على استاذنا ...
بابا انت فين
انت ...يا بابا ....بجد سافرت ........
خدت الدنيا ..معاك والفجر ...
طب لما سافرت ..
ليه يابابا ....ما قلتليش ....
وليه معاك مخدتنيش ...كان لازم ..
يا بابا تقولى ...كان لازم يابابا ...تخدنى ...
انا سافرت

لما لاقيت الدنيا ضباب ...والكلام مبقاش كلام .
واللقمه بقت علينا حرام ..قمت واسقطت النظام
عرفت انا ليه سافرت
انا سافرت لما افتكروا ..ان دى بلادهم ...واحنا فيها اغراب .
سافرت لما الصبح بقى ليل مش نهار ...
سافرت لما التعذيب لينا اصبح حلال ..
سافرت عشان تغنوا انتوا يا احباب ....
بس انا راجع ...وح تلاقينى ...ح تلاقينى ..
لما الصبح ييجى ويقيد ..قناديللو.....راح تلاقينى ..
لما من الكتب تقرا ..اسمى ..وتنادينى ..ح تلاقينى ..
لما بكره يبقى احسن ..من النهارده ...ح تلاقينى ..
لما الدنيا تبقى نور ..ويضيع الظلام ..ح تلاقينى ..
عشان انت تعيش ...كان لازم اسافر ...ارجع لك ..مرجعش ..مش ف حسابى ..
بس يا ابنى ...كان لازم تعيش ..
مصر لازم تكون غير ...مصر ام الدنيا ...ملاها الغير ..
بس غير عن غير ..
انا سافرت ومش نادم ...قوم واياك تنسى القادم ..
حافظ عليه ..ايدك فى ايديه ..واياك تنسى ...
لما الصبح ييجى ويقيد قناديللو ...راح تلاقينى
ح تلاقينى .
من قلبى كتبت هذه الكلمات اهديها خالصه لاولادنا اولاد اطهر وانقى شعب
الشهداء ..و .... اولاد الشهداء..
abuiyad

هناك 4 تعليقات:

  1. فارس الكلمة صلاح.......
    والله تجمعت الدموع فى عيناى وتمنيت أن تنزل حتى أرتاح
    بعد أن أتعبت نفسى بكلماتك وأدميت قلبى بصرخاتك
    وأثقلت الحمل على كتفى بأشعارك
    لكن هى فعلا من القلب فهى تصل للقلب
    شكرا لك على الرائعة والمبدعة
    المهندس الشاعر فاروق بن النيل

    ردحذف
  2. اشكرك ..اشكرك ..لقد عبرت عن مكنونات قلبى وعبرت فعلا عما احسسته فعلا ...فحقا كلماتك تعبير عما جاش به قلبى فشكرا مره ثانيه ..

    ردحذف
  3. فارس الكلمه المعوار لقد هزت كيانى هذه القصيدة فكل كلمه خرجت من القلب لابد ان تصل الى القلب وهى فهلا وصلت الى قلبى المجروح

    ردحذف
  4. فارس الكلمه المعوار لقد هزت كيانى هذه القصيدة فكل كلمه خرجت من القلب لابد ان تصل الى القلب وهى فهلا وصلت الى قلبى المجروح

    ردحذف