الثلاثاء، 1 نوفمبر 2011

ابن الشهيد يتسأل ..ويسأل ....والشهيد يرد ..

اهدى الجميع أخر ما كتبته

ابن الشهيد ...يتسأل ويسأل ...والشهيد يرد .
لما نقوم الصبح..ونروح المدارس ...
بابا انت فين
لما بندخل مدارسنا ..ونلاقى الكل ...
بابا انت فين
لما بنفتح كراسنا ..ونصبح على استاذنا ...
بابا انت فين
انت ...يا بابا ....بجد سافرت ........
خدت الدنيا ..معاك والفجر ...
طب لما سافرت ..
ليه يابابا ....ما قلتليش ....
وليه معاك مخدتنيش ...كان لازم ..
يا بابا تقولى ...كان لازم يابابا ...تخدنى ...
انا سافرت

لما لاقيت الدنيا ضباب ...والكلام مبقاش كلام .
واللقمه بقت علينا حرام ..قمت واسقطت النظام
عرفت انا ليه سافرت
انا سافرت لما افتكروا ..ان دى بلادهم ...واحنا فيها اغراب .
سافرت لما الصبح بقى ليل مش نهار ...
سافرت لما التعذيب لينا اصبح حلال ..
سافرت عشان تغنوا انتوا يا احباب ....
بس انا راجع ...وح تلاقينى ...ح تلاقينى ..
لما الصبح ييجى ويقيد ..قناديللو.....راح تلاقينى ..
لما من الكتب تقرا ..اسمى ..وتنادينى ..ح تلاقينى ..
لما بكره يبقى احسن ..من النهارده ...ح تلاقينى ..
لما الدنيا تبقى نور ..ويضيع الظلام ..ح تلاقينى ..
عشان انت تعيش ...كان لازم اسافر ...ارجع لك ..مرجعش ..مش ف حسابى ..
بس يا ابنى ...كان لازم تعيش ..
مصر لازم تكون غير ...مصر ام الدنيا ...ملاها الغير ..
بس غير عن غير ..
انا سافرت ومش نادم ...قوم واياك تنسى القادم ..
حافظ عليه ..ايدك فى ايديه ..واياك تنسى ...
لما الصبح ييجى ويقيد قناديللو ...راح تلاقينى
ح تلاقينى .
من قلبى كتبت هذه الكلمات اهديها خالصه لاولادنا اولاد اطهر وانقى شعب
الشهداء ..و .... اولاد الشهداء..
إقرأ المزيد Résuméabuiyad

الخميس، 14 أبريل 2011

يا ريس

الحكايه م البدايه         هو فيه ايه ليه عملت اللى عملتوا       وليه نسيت اللى انت قلته 

اول ما جيت قلت  هى مده        ولو زادت راح تبقى تانى مده       واللى يفشل فى الاولانيه       اهو يعوض بقى فى التانيه

قلنا والله ياريس  كلامك جميل ومساوى      صدقناه وقلنا والله انت ناوى     تجيب الخير وتداوى وح تعمر مصر        لو غاوى 

قلنا وياك      وبينا ح تعلى الغناوى ونبدأ الصحوه وتيجى البسمه  يلا حط ايدك فى ايدينا يلا ناول     خد وحاول خد عرقنا خد دموعنا   
بس لازم تفتكر زى ما بتاخد  يوم ح تدى وزى ما شدينا الحزام  ييجى يوم فيه ح نرخى  وزى ما عشنا الظلام  الفجر جاى جاى بيجرى

والنور فيه يبقى تمام  تمام تمام كله ياريس كان تمام 

شدوا الحزام   شدوا الحزام  شدينا  شدوا كمان شدينا      شدينا ياريس واتارينا  بنشد لوحدينا وانت ياريس ناسينا وبقينا نشد ونسينا

ومن كتر الشد اتعرينا وبان العضم وخلينا  الجلد يادوب ساتر   لينا وانت ياريس ناسينا نسيت     ونسيت ونسيت كل اللى كان 

نسيت البلد  والاهل والخلان  نسيت      ونستنا     افرحنا كمان      سودت ايامنا  وسننا كمان        السنه دى سودا واللى جايه كمان 

كنت بتقولها  صراحه      واللى يسمعها يقول والله الراجل غلبان       محنا بنكتر كل يوم     اولوفات والاكل والشرب يدوب  فتات 

وبلاش بقى الهات هات  لازم نحاول ندى       وندى وندى والحزام ع البطون ينشد  

كدبنا كتير كل اللى قال دا بلدنا بتتسرق     بيسرقها فلان وفلان  

واللى كان طبال ولا رقاص      اصبح معاك وزير ورجل اعمال 

حكمت فينا اللى مايسوى واللى عمره ما كان له ميزان      عملنا ايه فيك دااحنا صدقناك وشدينا الحزام ومشينا جنب الحيط 

مش جبن ولا خوف بس عشان البلد تنعان 

اتاريك ياريس زعيم عصابه وحواليك حيتان وغيلان 

اللى يقرب        اللى يبص      اللى يفكر      ياعينى عليه دا راح فى خبر كان      اسمه كان ايه والله اتمسح الاسم من الوجدان 

شياطين امن الدوله غيروا  الاسم  من سامى لساميه      غيروا الاسم والمعالم      وف الاخر نفخوه  وكله تمام 

عملنا ايه ياريس     ما انت كنت زمان واحد مننا      واللى قلته لنا صدقناه  

النهارده انكشف مستورك     والمستخبى بان  عقدك خبتها علينا       واتريك تعبان 

سودت علينا الدنيا      وانت بتاكل  كفيار وسيمون فاميه      وحاجات كتير ما اعرفش ااقولها     ولا بتيجى منين 

ولما تجوع ياحبه عينى      مكسيم منه الاكل بال 130سى حربيه طياره لسيادتك     طياره للست      طياره بفلوسنا الطياره 

والمصيبه كمان عايز يجلنا من بعدك اهبل بزماره         افتكر يا كبد امه انه عشان ابنك      يبقى علامه     لا تقولى زويل

ولا البرادعى      ولا محفوظ     يا الف خساره      تاجر بديونا     وباع قوتنا    وجابله قزم بحماره      عشان لما يقف جنبه 

يتغر يا خساره    القزم من خبته افتكرها  مغاره       وعلى بابا على بابها فى ايدوا سناره         والست هانم  بتحلم 

اهبلها يحكم المغاره     كنوزها متاحه       تفاحه      ياكلها اللى عايز براحته      وبالراحه      لا ليها صاحب     ولاحاجب

يقول كفايه يا خلق   والخلق فى الشوارع ماتوا     فى طابور العيش    فى زنقه الانابيب     تحت عجل اتوبيس   سواقه مش شايف 

مهو يدوب  شرب شايه     وكل سندوتشه     وبقالوا فى السهرى يومين    مطبق الورديه    يبقى يشوف منين   وسع ياراجل وانتى يا وليه 

واللى مش خايف    اه    بناقص واحد    يا اخى قول ميه     خلى المغاره تزيد لغيرى   مش ليا   اللى كتبته دا جزء من حكايه مصريه 

علي بابا والاربعين الحراميه     بدأتها النهارده      وبكره ان عشت راح اقول البقيه    بس ادعولي ألاقى القلم والورق ولا يسرقوش حراميه 

مهم كتير    واكتر من الهم على القلب      والقلب تعب من قلة الملاغيه     اتلغى منه الحب ومبقاش غير الغلب والندم على الحنيه 

بكره نحكى بقيه حكايه الحراميه
    
إقرأ المزيد Résuméabuiyad

الاثنين، 28 مارس 2011

كان زمان


كان زمان ممنوع نمشى اكتر من إثنين 

عشان دا كان تجمهر ومؤامره على الأوطان
                                                 
كان زمان نتكلم نصرخ ونقول يقولوا كمان 

ماهو كلام فى الهوا يتقال ملوش وزن فى الميزان 

قولوا وإصرخوا وطلعوا الدخان

مهو كله زروطه وكلام طرش لناس عميان

ولما الكلام صار بركان

وإتجمعنا مش مليون قول إثنين أو ثلاثه كمان    

وقلناها صرخه فى جمله واحده يسقط النظام 

الكلام إتوزن وإتهزت الأركان 

صارت حروفنا نار بتحرق الطغيان 

وعروش الظلم إدمرت وضاع الصولجان    

وهب الشعب معانا واصبح له كيان

وحطم السجن والسجان        

وبعد ما كان ممنوع تقابل الأهل والخلان

وتتكلم بصوت عالى فى الفاضى مش فى المليان      

اصبح مصيرنا فى إيدنا وإتحقق اول الأحلام  

ودلوقتي عايزين يسرقونا  

ويقولوا عشان بلدنا تبقى تمام 

     ممنوع التجمع زى زمان      

ويرجعونا من تانى لأنياب القانون وكله تمام 

قالها السادات من زمن وجابوا له ترزيه النظام      

   فصلوا القوانين وفى النهايه غابت الشمس وساد الظلام     

البدايه عشان الأمن والآمان   

والنهايه ذل ومهانه وإنتهاك لكرامه الإنسان    

   يا إخواننا وكلناكم علينا مش عجز ولاغباء مننا     

دا لأنكم حطيطوا فى إيدينا إيديكوا وقولنا والله زمان          

  لما الإيد تبقى فى الإيد والعزم يبقى حديد        

  حنحقق الأحلام والشمس تشرق من جديد   

   والنهارده شامم دخان ناره مش باينه  

   إستفتاء على جثه بقت هامده       

 وحده ربنا يحيى العظام ولو هامده  

وإنتم حتخلونا نقول مفيش فايده   

             حترجعونا من تانى ولا الحكايه إيه               

فى جاردن سيتى وفى نادى العليه 

قعد الباشا كأنه لسه فى الوسيه    

وطلع لسانه للرايح وللجايه    

          وقال ياغجر الكلام دا مش ليا             

 قال كلامه وخد مزاجه وإحنا واقفين 

بس إيدينا مش طايله   

 قولولنا الحقيقه دى ثوره شايفنها 

حاسينها وراحت ولا لسه جايه    

ولا إنتم عايزنا نقول مفيش فايده  

دى هوجه وفوره والبلد باقيه 

على اللى سرق حلمنا زمان      

             وحيسرق ايامنا اللى جايه                   

بس وحياه الشهيد اللى إتغدر فى الميدان      

ابداً ما يعود عصر مبارك وجمال

وعلاء والست سوزان    

 ولا بكره ابداً يبقى زمان     

إحنا إديناكم توكيل يوم 25    

وكنا عارفين انتم مين  

إنتم ولادنا عصبنا ادينا  

اللى بيها ضربنا وبيها عبرنا

وبإذن الله معها حنحرر بلدنا  .                                                                                                                    
إقرأ المزيد Résuméabuiyad

الجمعة، 25 مارس 2011

واحد من ملايين ....

انا واحد من ملايين
   
     قالوا علينا ميتين     

والحقيقه إننا كنا ساكتين

 ساكنين مستنيين  

  الرايه بس تترفع  
 
ساعتها بس حيعرفوا 

 ميتين كنا ولا صاحيين

انا واحد من ملايين

      حلفنا لو نمنا نكون صاحيين     

ولو متنا نكون عايشين
 
   جوعونا شردونا بهدلونا    

سممونا خلونا يا دوب عايشين 
 
موتوا فينا الأمل 

وعذبوا منا الولد 

والكبير  فينا  سحلوه    

وفى سجنهم يا ألف خسارة رموه

ويقولوا اه يا بلد عايزه ولد

وصدقوا إن البلد من غيرهم مفيهاش ولد 

       اه يا بلد فى كل شبر فيكى     

  مليون ولد مش بس ولد
 
اه يا بلد د ا ارضك لما تنشف  

ويزيد عليها العطش بتجيب
  
 مليون ولد مش بس ولد

اه يا بلد لما بتشيبى 

والشعر الأبيض ينور قناديلك     

ويدوب تشوفى عدوك من حبيبك    

بتجيبى مليون ولد مش بس ولد

اه  يا بلد إفتكروا إنك مستنيه الولد   

  وإنتي فيكى ملايين ولد مش بس ولد

       ولما إفتكروا إن الولد لو موتوا فيه الإمل       

يبقى مفيش ولد 

لكن الولد من شقوق ارضك خرج 

جه الولد من بياض شعرك وإنتشي

جه الولد من ألم قلبك وإنكوى    

لكنه عمره ما إنحنى

ولا فى يوم بكى

جه الولد بس الولد غير الولد         

جه الولد مش راكب حصان  

جه الولد بس الولد غير الولد       

سيفه قلم اصله عاش الزمن 

جه الولد ومعاه مليون ولد     

 همه انتى يابلد    

مش ناسى إنه عشانك إتولد

جه  الولد فكره كلمه    

وورقه وقلم علم وعلام      

ولغه الكلام هى العمل 

   والألم اه يا بلدى م الألم       

  عشناه و ح نعيشه كتير وياه

بس المهم يكون معانا ونكون معاه 

يالا يا بلد نمد ايدينا بالأمل   

ونثبت إننا كنا صابرين ومش ميتين 

تعالوا نقول إحنا عمرنا ما نسينا    

اللى ياما عذبونا  

تعالوا نقول إحنا عمرنا ما نسينا  

اللى سرقوا البسمه من عينينا

تعالوا نبنى زى ما بنينا  

 والسد شاهد علينا 
     
ونعدى الفقر زى ما عدينا  

وأكتوبر تشهد علينا

      والمهم نغير اللى كتبوه علينا          

ونحقق اللى مكتوب لينا 

ونحاسب اللى سرقونا وجوعونا    

وشردونا وسممونا 

اه  يا بلد جه الولد ومعاه ملايين     

غير اللى لسه ح ينولد
إقرأ المزيد Résuméabuiyad

الخميس، 24 مارس 2011

باظت

باظت

كنا قبل الثوره محصورين بين السلطه المتسلطه وبين الإخوان بفزاعتهم

وكنا نقول في بعض المواقف والله دول مظلومين

وفي البعض الآخر والله الحكومه عندها حق

ثم بعد الثوره وجدنا انفسنا في وضع آخر . يا ترى هو إيه ؟؟؟؟؟؟؟؟؟ الله اعلم .......

فبعد الثوره اصبح الوضع مختلف وكأن الحريه إنطلقت من قفصها بلا ظوابط ولا ضوابط

ووجدنا الإخوان شئ آخر

فبعد الكلام بإسلوب هادئ .... رزين.... ناكر للأنا

وبعد الجلسه الرزينه المتواضعه اصبح كل منهم له جلسة خاصه وبطريقة خاصه اقل ما يقال عنها إنها طريقه إستفزازيه

وما كان يحدث في ميدان التحرير بإستحياء اصبح واقعاً ومكرراً علينا يومياً

وتبارى الإخوان المحترمون عصام العريان والبلتاجي وسعد الكتاتني وبركه في الظهور في الفضائيات في نوبتجيات يوميه تعويضاً لحظرهم في الماضي فزادت موضوعاتهم وأصبحوا بقدرة قادر هم الثوره ومن واجبهم الحفاظ عليها بل وقياده الشعب لطريق الصواب وتفهيمه وبيان الحق من الباطل وأصبحوا اوصياء عليه

وهنا ظهر رافض آخر ليردوا عليهم وبطريقتهم ايضاً

فلسوء او لحسن الحظ وقضاء وقدر ام تدبير عن قصد تمت فتنة كنيسة اطفيح

ليخرج الرافض الآخر وهم الإخوان الأقباط وتظاهروا وإعتصموا وتضامن معهم من تضامن وشجب من شجب ورفض من رفض وإستجاب المجلس العسكري لكل طلباتهم وظهرت مبادرات لرأب الصدع ومواجهة الفتنه ولكن هل الامور بهذه البساطه؟؟

هل نتظاهر يوم او يومين فقط حتى لو استجيبت طلباتنا ؟؟؟


طبعاً لا

لازم نقولهم إحنا هنا ولينا صوت وصوت جامد ونقدر نقطع الطريق ونموت ونحرق ونكسر وفي الآخر نتضامن بس بعد شوية بلطجه في السيده عائشه والمقطم و و و و و

المهم إحنا بردوا موجودين على شاشات التليفزيون ولنا رأي وإحنا اصحاب الثوره ويجب الحفاظ عليها


وليعلم الجميع بأننا قوه لا يستهان بها .


وفي وسط هذا الضجيج يظهر إخوانا السلفيين وهما سبطان

سبط رفض الخروج على الحاكم واستمر على رأيه

وآخر رفض الخروج ثم تراجع وعاش ايامه وتبنى الثوره واصبح واجب علينا ان نوجهه العيال ( كلامهم ) وان ننصحهم ونحافظ عليهم ونقودهم لبر الأمان


وكانت الخاتمه في ظهور عبود وطارق الزمر والإستقبال العظيم الذي قوبلا به وحفلات التكريم التي إقيمت لهما وكأنهما عائدان من معركة حربيه انتصرا فيها على عدو غاشم

وتبنيا الثوره وعليهما قيادتها في الطريق الثوري


وتناسى الجميع إنه لولاهما ما حكما مصر هذا الفرعون

وكانت اهم نتائج الثوره هى حرية وطلاقة لسان الجميع بلا ضوابط ولا روابط ولهدف واحد وهو ركوب الثوره وقطف ثمارها لمصالح شخصيه بعيداً عن الوطنيه


وتراجع الخط الثوري وكالعاده معه باقي ما يسمى بالأحزاب الكرتونيه


 وتاه العبد لله وقال .....



بااااااظت
إقرأ المزيد Résuméabuiyad

الاثنين، 30 أغسطس 2010

رحت مظلوم ورجعت ظالم

اصعب حاجه انك يوم تبات مظلوم         ولا تلاقى الناس تقول انك مخموم 

اصعب حاجه انك تنسى تاريخ اليوم       ولا انت ليه يا صاحبى دايما مهموم

اصعب حاجه ان الشمس تحجبها غيوم     والكلمه فى صدرك تكتمها لا تبات محكوم

قلت بلاش الظلم والكلام المسموم          رحت لغزه اشوف ازاى بيشوفوا النوم

قالوا تعالى دا بلدناما فيها حد مكموم       قول واتكلم وشوف واتعلم ما هومعلوم

مشيت مسافه يوم ودخلت فى ليله ضلمه   ولما خرجت لقيت النور ولما سالت عن اليوم

قالوا اليوم هوه اليوم  بس الضلمه دى     كانت سكه بس اليوم هو اليوم

سكت ما انا خايف من الكلمه        واللكنه  ولا اقول شىء مش مفهوم

يا اخونا دى غزه ؟ سؤال ملوش معنى    قالوا دى  غزه وانت ليه مصدوم 

كان ده بيت ام العز  وده بيت ابو علاء خليل منصور 

ودا جامع سيدى عزام ودى دار كانت لام ازهار

ام العز استشهدت وولادها كمان     وابو علاء وعلاء وباقى اخواته ما راحوا هباء

والجامع بقى ماذنه وام نضال واولادها راحوا شهداء 

لاقيت الحكايه مش فتح وحماس    دا القنابل ما فرقت ناس عن ناس 

ولما سألت قالوا بص وشوف   الناس فى بلدنا مش محتاجه فلوس 

الناس فى بلدنا محتاجه نفوس   محتاجه سلاح حقيقى مش عصى وفؤس

محتاجه دبابات تضرب بيها     مش عليها تدوس

محتاجه صواريخ وطيرات    مش كلام شجب وتنديد وعلى الخد تبوس

يا صديقى عندنا النهار شمسه غير كل الشموس

نبضه نابلم وفوسفور وحرب ضروس

هى دى غزه اللى رحتها وانا مهموم   ورجعت منها ظالم ومش مظلوم
إقرأ المزيد Résuméabuiyad

الجمعة، 27 أغسطس 2010

أنتِ حقاً لا تستحقين


لن أقول ما تقولين ...... ولن أفعل ما تفعلين

لن تسمعي مني أنين ........ ولن أتوسل كي ترضين

فأذهبي وكما تشائين ..... فأبداً راكعاً لن ترين

خذي وقتك وأمرحين ........ وأنسيني ولا تذكرين

وحلقي بسمائك ولا تنزلين ......... وأضحكي ما شئتي ولا تبكين

فأنتِ حقاً لا تستحقين

لا تستحقي حروفاً ...... كلمات محب ..... صادقاً لكِ أمين

لا تستحقي نجوماً.... ليل عاشق ..... عقد في جيدك ثمين

لا تستحقي ليالي ..... وجد واله....... للقائك حتى يحين

لا تستحقي عتاب ... لقى الأحباب ........ فكوني ما تكونين

لا تستحقي وداعاً ........ بعده لقاءً .......وأنتِ اليوم لا تستحقين

فأنتِ منا لا تستحقين 

أحقاً ........ في المزادِ بعتي ..... صحفي وأقلامي ..... ونغمات ألحاني

أحقاً .... في المزاد بعتي .... آمالي وأحلامي .... وزهرة شبابي

أحقاً ...... في المزاد ..... وجدتي ... من زايدني ....... ونال أمسياتي

أحقاً .... في المزاد .... رأيتي .... من فاقني.......... فبخثتي ذكرياتي

وحقاً ... أقولها بلا مزاد ..... بعتي فؤداي ..... وأشتريتي الفتات

فهنيئاً لكِ ......... وغداً يحيا الفؤاد .......... أما الفتات ........ فمصيره الشتات

ولذا

حقاً أنتِ لا تستحقين هذا الفؤاد
إقرأ المزيد Résuméabuiyad

هل تعلمون ....


هل تعلمون أن قلمي حزين

هل تصدقون أني فقدت الحنين

هل تظنون أني صيرت مجنون

أهيم ليلي منادياً أين تكون

قالوا إن هجرك لقلبي يقين

وبعدك لن يكون يوماً بل سنين

أبتسمت ساخراً لعلمى أين تقيمين

وتنضرت عليهم أنها مثل الجنين

لا يستطيع البعاد فهو في قرار مكين

يلهو يلعب مادام الوجد أمين

قولوا ما شئتم فلن تسمعوا الأنين

ولن أحيا أغني ومزماري حزين

فأنا اليوم أعاني وألمي دفين

ومادامت الدمعة ساكنة فستأتين

أنادي عليكي صامتاً فهل تجيبين

أم تذهبي وعن عيني تغيبين

سألتك يوماً هل حقاً تذهبين

أنا باقية معك كان ردك أتذكرين

واليوم يقولون ذهبتي أتصدقين

أنا باق لكِ فلا تنسين

عودي فاليوم مثل الأمس فلا تنتظرين

عودي فلكِ القلب اليوم يدعوا أن تسعدين

وإن بدل الفراق سعادتك فأذكرين

إني معكِ أينما كنتِ وتكونين
إقرأ المزيد Résuméabuiyad

حبيبي خلاص كفاية

حبيبي متقولش بحبك ........... حبيبي خلاص كفاية

متقولش إنك مشتاقلي ...........ياريت تنسى الحكاية

حبيبي خلاص كفاية

عذبت قلبي بحبك ........... وسهرت الليل معايا

لا جيت في يوم لقايا ........ ولا مرة وفيت معايا

أشتاق لك وأنت هوايا .... لا تجيني ولا تقول كفاية

هو إيه أصل الحكاية

توعد وتخلف وتغيب وتيجي تحلف

إن عمرك ما حبيت سوايا

ولا قلبك دق إلا معايا

ياريت تنسى الحكاية

يا حبيبي خلاص كفاية

النهاردة كان لقانا ..... وفرحت الدنيا يا هنايا

روحت المكان في نفس الزمان

أتاري حبك عمره ما كان

يا حبيبي خلاص كفاية 

وياريت تنسى الحكاية
إقرأ المزيد Résuméabuiyad

عذراً غزة

عذراً غزة فأنتم محتلين من اليهود

ونحن محتلين من أنظمتنا العربية الجاثمة على صدورنا

عذراً غزة فأنتم تناضلون من أجل إستقلالكم

ونحن نناضل من أجل رغيف خبزنا

عذراً غزة أنتم تقفون اليوم على أعتاب الجنة

ونحن في طوابير أنبوبة الغاز

الغاز الذي يصدر طوعاً وكرهاً لمن يقتلونكم

عذراً غزة فأنتم تناضلون بالسلاح

وتقاومون بالبنادق

لقد أتيتم شيئاً فرياً

أما كان لكم أن تجلسوا إلى طاولة الحوار سنين وسنين حتى تحصلوا على إستقلالكم

أم أنكم مثل الجزائر التي ناضلت بالسلاح لتحصل على حقها

وهل أنتم مثل الصين في نضالها للتحرير من اليابان

وهل أنتم بجسارة الأمريكان في نضالهم حتى إستقلالهم من الإستعمار البريطاني

وهل تظنون أنكم مثل المصريين حينما قاتلوا الإمبراطورية التي كانت لا تغرب عنها الشمس

لا وألف لا ............ أنتم أكبر من كل هؤلاء

رغم العروش الوثيرة ..... وصولجان عروش الأمراء ....... وفخامات الرؤساء

أنتم أكبر لأنكم محاصرون من الأرض والبحر والسماء

أنتم أعظم من كل هؤلاء

لأن الله هو مؤيدكم وأن الله هو ناصركم بإذنه

فلا تيئسوا من رحمة الله ولا تعولوا كثيراً على الآخرين

وكونوا في رباط ..... وأنتم في رباط إلى يوم الدين

فأنتم الجبارين ومهما كنتم محاصرين
إقرأ المزيد Résuméabuiyad