ياعم يا اللى افتكرت بفلوسك تشترى الناس
دا اللى باعولك دول فى الأصل مش ناس
ضحكوا على اللى قبلك
زى مضحكوا عليك يا محتاس
همك يقولوا بيه ادامك ووراك ترباس
الدنيا مدرسة اللى يعيشها بحق يعرف قيمه الناس
واللى يعشها زيك يعيش ويموت منداس
فوق يا اخينا كفاك جهلك سلطان
سلطان الجهل لك تاج وسط البهائم راس
راس بلا عقل راكب على جسم إنسان
يتمايل وسط اخوانه يا محلاه إنسان
جيوبه فيها الريال خلخال تطرب ودان الطرش
ما أنت مخبول وهما كمان
نهايتك قربت وقبلك كان يا مكان
حكاوى إتعلمناها يا ريتك تفهمها كمان
فرعون لما قال انا ربكم الأعلى
راح وإنتهى واللى خاده طوفان
واللى المال سيده يصبح هو خدام
مهما لبس مهما قال مهما طال الزمان
يروح المال يا قفا
ويفضل الافا جربان
لا عمر المال صنع انسان
ولا الزمان شهد لغير الحق يا غلبان
فوق اصحى الدنيا يوم كدا تضحك للعبة الشيطان
ولما تزهزه قوى تخلى الجهل سلطان
تفرش طريقه عرس
وفوقه تطير الغربان
ياعم ياللى افتكرت بفلوسك تشترى الناس
دا اللى باعولك دول فى الأصل مش ناس
إفهم بقى دا الكلم زى الشمس يا إنسان
بس حا أقول إيه ما إنت فى الأصل مش إنسان
كلمات رائعة يا فارس
ردحذفوكما يقولون
لو أن في القلوب حياة
تحياتى عاطرة للانسان لما يكون انسان
ردحذفوانت يامتجر الرابح عطرك ملا المكان
فشكرا على مرورك يا انسان
فارس الكلمة..........
ردحذفكما يقول المثل الفلوس مع التيوس
الإنسان هو الذى يصنع الفلوس والفلوس لاتصنع إنسان
فغذا جاء المال لمن لايستحقه فهو نقمة عليه وإذا جاء المال لمن يستحقه فهو يصرفه آناء الليل وأطراف النهار فى سبيل الله وفى الخير وفى الصدقة وسوف يحاسب عليه المرء يوم القيامة
"لاتزل قدم عبد يوم القيامة إلا ويسأل عن أربع عن عمره فيم أفناه وعن شبابه فيم أبلاه وعن ماله من أين إكتسبه وفيم أنفقه " صدق رسول الله صلى الله عليه وسلم .